આશાપુરા માના ધામ માતાના મઢ ખાતે જતા પદયાત્રીઓની સેવા-સુવિધા માટે દયાપર હોમગાર્ડ યુનિટ દ્વારા સતત ચોથા વર્ષે ભવ્ય પદયાત્રી કેમ્પનું આયોજન કરવામાં આવ્યું છે.
છેલ્લા ચાર વર્ષથી યોજાતા આ સેવા કેમ્પમાં પદયાત્રીકો માટે વિશ્રામ, ચા-નાસ્તો તેમજ પ્રાથમિક સુવિધાઓ પૂરી પાડવામાં આવે છે. આ આયોજનને સફળ બનાવવા માટે હોમગાર્ડ યુનિટના હઠુંભા, સંદીપભાઈ જોષી તેમજ હોમગાર્ડના જવાનો દ્વારા ભારે જહેમત ઉઠાવવામાં આવી રહી છે.
જવાનોની આ સરાહનીય કામગીરીને કારણે માતાના મઢ જતાં અસંખ્ય પદયાત્રીઓને મોટી રાહત મળી રહી છે અને સમગ્ર વિસ્તારમાં હોમગાર્ડ યુનિટની સેવાભાવનાની પ્રશંસા થઈ રહી છે.
(તસ્વીર : દર્શન સોની, દયાપર)
