શીતલ ઠાકર,ગાંધીનગર
હિંમતનગર બી-ડીવીઝન પોલીસ સ્ટેશનની હદમાં આવેલ બસ સ્ટેન્ડ નજીકથી પોલીસે બાતમીને આધારે બુધવારે પોકસોના ગુનામાં દોઢ વર્ષથી નાસતા ફરતા શખ્સને ઝડપી લઈ વધુ તપાસ માટે એ-ડીવીઝન પોલીસને હવાલે કરાયો હતો.
આ અંગે બી-ડીવીઝનના પીએસઆઈ આર.એલ.દેસાઈ તથા સ્ટાફના જણાવાયા મુજબ બુધવારે તેમને એવી બાતમી મળી હતી કે એ-ડીવીઝન પોલીસ સ્ટેશનમાં પોકસોના ગુનામાં નોંધાયેલી ફરીયાદ મુજબ રાણાદાર વિન્દ્રનાથ પ્રસાદ (રહે.માટીગડા, જિ.દાર્જીલીંગ) હિંમતનગર બસ સ્ટેન્ડ નજીક ઉભો હતો જે બાતમીને આધારે બી-ડીવીઝન પોલીસે બસ સ્ટેન્ડ પાસે જઈને પુછપરછ કરી તેની અટકાયત કરી હતી ત્યારબાદ વધુ તપાસ માટે તેને એ-ડીવીઝન પોલીસને હવાલે કરાયો હતો.
