સાબરકાંઠા LCB ને મોટી સફળતા: ૧૧ મોટરસાયકલ ચોરી કરનાર રાજસ્થાનનો રીઢો ચોર પકડાયો

સાબરકાંઠા જિલ્લામાં અવારનવાર બનતી વાહન ચોરીની ઘટનાઓ પર લગામ લગાવવા માટે પોલીસ અધિક્ષક દ્વારા ખાસ રચવામાં આવેલી વાહન ડિટેક્શન સ્ક્વોડ (LCB) ને મોટી સફળતા સાંપડી છે. ગુપ્ત બાતમીના આધારે પોલીસે રાજસ્થાનના એક શાતિર વાહન ચોરને ઝડપી પાડી તેની પાસેથી ૧૧ ચોરાઉ મોટરસાયકલ કબ્જે કરી છે.

ગાંધીનગર વિભાગના નાયબ પોલીસ મહાનિરીક્ષકશ્રી વિરેન્દ્રસિંહ યાદવ (IPS) તથા સાબરકાંઠા પોલીસ અધિક્ષક ડૉ. પાર્થરાજસિંહ ગોહીલ (IPS) ના માર્ગદર્શન હેઠળ LCB પો.ઇન્સ. ડી.સી. સાકરીયા અને પો.સ.ઈ. વી.આર. ચૌહાણની ટીમે ખાસ પેટ્રોલીંગ હાથ ધર્યું હતું. પેટ્રોલીંગ દરમિયાન હિંમતનગર મોતીપુરા થી અમદાવાદ રોડ પર શંકાસ્પદ નંબર વગરના કાળા અને ગ્રે કલરના સ્પ્લેન્ડર બાઇક સાથે એક યુવક ઝડપાયો હતો.

પકડાયેલ આરોપીની વિગત:

નામ: સાહિલ ઉર્ફે સાયર સલીમભાઇ ઘાંચી (શેખ) (ઉંમર વર્ષ ૨૨)

રહેવાસી: ભાણધા, તા. ખેરવાડા, જી. ઉદયપુર (રાજસ્થાન)

પોલીસે પૂછપરછ કરતા આરોપી પાસે વાહનના કોઈ કાયદેસરના કાગળો નહોતા. ઈ-ગુજકોપ તથા પોકેટ કોપ સોફ્ટવેરની મદદથી તપાસ કરતા સદર બાઇક હિંમતનગર એ ડિવિઝન પોલીસ સ્ટેશનના ગુનામાં ચોરાયેલ હોવાનું ખુલ્યું હતું. ત્યારબાદ કડક પૂછપરછ હાથ ધરતા આરોપીએ સાબરકાંઠા અને આસપાસના વિસ્તારોમાંથી કુલ ૧૧ મોટરસાયકલોની ચોરી કરી હોવાની કબૂલાત કરી હતી.

કબ્જે કરાયેલ ચોરાઉ વાહનોની વિગત (કુલ કિંમત રૂ. ૪,૬૦,૦૦૦/-)

સરાહનીય કામગીરી કરનાર પોલીસ ટીમ:

P.I. ડી.સી. સાકરીયા, P.S.I. વી.આર. ચૌહાણ, તથા પો.કો. કપિલભાઈ કલ્યાણસિંહ, વિપુલસિંહ નવલસિંહ, પ્રદિપસિંહ મહેન્દ્રસિંહ, અભિજીતસિંહ શ્રવણસિંહ, નરેન્દ્રકુમાર મોતીભાઈ અને કૌશિક રાજુભાઇ (LCB સાબરકાંઠા).