શીતલ ઠાકર,ગાંધીનગર
સાબરકાંઠા જિલ્લાના મુખ્ય મથક હિંમતનગર સહિત સમગ્ર વિસ્તારમાં આજકાલ સામાન્ય જનતા મોંઘવારીના ગંભીર બોજ નીચે દબાઈ ગઈ છે. પેટ્રોલ-ડીઝલ, રસોઈ ગેસ, અનાજ, શાકભાજી સહિતની આવશ્યક ચીજવસ્તુઓના વધતા ભાવને કારણે ગરીબ અને મધ્યમ વર્ગનું જીવન મુશ્કેલ બની ગયું છે. ઘરખર્ચ ચલાવવો પણ આજે એક મોટી પડકારરૂપ બાબત બની છે.
આર્થિક મંદીના માહોલમાં ફેક્ટરીઓ અને નાના-મધ્યમ ઉદ્યોગો પર પણ ભારે અસર પડી રહી છે. અનેક જગ્યાએ ઉત્પાદન ઘટ્યું છે, રોજગારીના અવસર ઓછા થયા છે અને વેપારીઓને નુકસાન વેઠવું પડી રહ્યું છે. આ પરિસ્થિતિમાં સામાન્ય માણસ રોજબરોજ સંઘર્ષ કરી રહ્યો છે.
પરંતુ દુર્ભાગ્યપૂર્ણ વાત એ છે કે, જનતાના આવા ગંભીર પ્રશ્નો વચ્ચે પણ રાજકીય પક્ષો અને સત્તાધીશો લોકોના દુઃખ-દર્દને સમજવા કે તેનો ઉકેલ લાવવા કરતાં ચૂંટણી જીતવા અને સત્તા કબ્જે કરવાની રાજનીતિમાં વ્યસ્ત જોવા મળી રહ્યા છે. પ્રજાના પ્રશ્નોની લાચારિ દેખાતી નથી, પરંતુ પ્રચાર અને રાજકીય વ્યૂહરચનાઓમાં વધારો જોવા મળે છે.
મોંઘવારીથી ત્રસ્ત જનતા માટે કોઈ અસરકારક નીતિ અથવા રાહત પગલાં લેવાતા નથી, જ્યારે બીજી બાજુ મતદારોને પ્રભાવિત કરવા માટે વિવિધ રાજકીય યોજનાઓ અને પ્રલોભનોની તૈયારી ચાલી રહી છે. આ પરિસ્થિતિમાં “વિકાસ”ના નામે માત્ર વચનો અને રાજકીય ખેલ જ જોવા મળે છે.
હિંમતનગર જેવી જિલ્લા કક્ષાની નગરીમાં પણ જો આવી સ્થિતિ છે, તો ગ્રામ્ય વિસ્તારોમાં પરિસ્થિતિ કેટલી ગંભીર હશે તેનો અંદાજ લગાવી શકાય છે. રાજ્ય અને કેન્દ્ર સરકારો માટે હવે જરૂરી છે કે તેઓ પ્રાથમિકતા આધારે મોંઘવારી નિયંત્રણ, રોજગારી સર્જન અને જનહિતના મુદ્દાઓ પર તાત્કાલિક અને અસરકારક પગલાં ભરે.
અંતમાં, જનતાની એક જ માંગ છે — “સત્તા માટે નહીં, પરંતુ જનહિત માટે શાસન કરો.”
જો તાત્કાલિક અસરકારક પગલાં નહીં લેવાય તો આવનારા સમયમાં જનતાનો અસંતોષ વધુ ઉગ્ર બનવાની સંભાવના નકારી શકાય નહીં.
