ઈડરમાં રાણી તળાવના રૂ. ૪.૯૮ કરોડના કાયાકલ્પનું કામ ઝડપભેર

ઐતિહાસિક અને પહાડી નગરી ઈડરના હૃદયસમા રાણી તળાવને નવીન અને આકર્ષક રૂપ આપવા માટે ઈડર નગરપાલિકા દ્વારા રાજ્ય અને કેન્દ્ર સરકારની ‘અમૃત ૨.૦’ (AMRUT 2.0) ગ્રાન્ટ યોજના હેઠળ મોટા પાયે વિકાસ કામગીરી હાથ ધરવામાં આવી છે. આ પ્રોજેક્ટ અંતર્ગત સમગ્ર તળાવનું સુંદરીકરણ, રક્ષણાત્મક કામગીરી તેમજ નાગરિકો માટે મનોરંજનની સુવિધાઓ ઉભી કરવા માટે રૂ. ૪,૮૫,૪૦,૩૫૩/- નો ડી.પી.આર. (DPR) મંજૂર કરવામાં આવ્યો હતો, જેનું કુલ ગ્રોસ અંદાજિત બજેટ રૂ. ૪,૯૮,૨૦,૩૯૭/- નિર્ધારિત કરવામાં આવ્યું છે.

પ્રોજેક્ટનો મુખ્ય હેતુ અને મંજૂર થયેલી રકમ

કેન્દ્ર અને રાજ્ય સરકારશ્રીની સ્વર્ણિમ જયંતી મુખ્યમંત્રી શહેરી વિકાસ યોજના અને અમૃત ૨.૦ ગ્રાન્ટ હેઠળ ઈડર નગરપાલિકાને આ ગ્રાન્ટ ફાળવવામાં આવી છે. ઈડર નગરપાલિકા દ્વારા આ કામ માટે મેસર્સ જનક કન્સ્ટ્રક્શન કંપની (મહેસાણા) ને આશરે ૮.૯૫% ઊંચા ભાવથી ટેન્ડર પ્રક્રિયા પૂર્ણ કરી વર્ક ઓર્ડર આપી કામગીરી સોંપવામાં આવી છે.

રાણી તળાવ પરિસરમાં હાથ ધરાનાર મુખ્ય કામગીરી (DPR વિગતો):

દસ્તાવેજોમાં દર્શાવ્યા મુજબ રાણી તળાવ વિકાસ પ્રોજેક્ટમાં નીચે મુજબની આધુનિક સુવિધાઓ અને સિવિલ વર્કનો સમાવેશ થાય છે:

(સ્ત્રોત: ઈડર નગરપાલિકા ડી.પી.આર. અને અંદાજપત્ર)

જાળવણી ખર્ચ નગરપાલિકા પોતે વહન કરશે

ઈડર નગરપાલિકાના સત્તાવાર પ્રમાણપત્ર મુજબ, અમૃત ૨.૦ યોજનાની મર્યાદા ઉપરાંત જો પ્રોજેક્ટમાં વધારાનો ખર્ચ થશે અથવા તળાવ બનાવ્યા બાદ તેના O&M (ઓપરેશન એન્ડ મેન્ટેનન્સ/જાળવણી) નો ખર્ચ આવશે તો તે ઈડર નગરપાલિકા પોતાના સ્વભંડોળ અથવા અન્ય સરકારી ગ્રાન્ટમાંથી વહન કરશે.

આ પ્રોજેક્ટ પૂર્ણ થવાથી ઈડરના સ્થાનીય રહીશોને સવાર-સાંજ ફરવા માટે ઉત્કૃષ્ટ વાતાવરણ મળશે અને ઈડરિયા ગઢની તળેટીમાં આવેલું આ રાણી તળાવ પ્રવાસીઓ માટે પણ એક આકર્ષક નજરાણું બની રહેશે.