હિંમતનગર એ ડિવીઝન પોલીસે મોટરસાઇકલ ચોરીના બે ગુનાનો ભેદ ઉકેલ્યો: રાજસ્થાનનો ઇસમ ચોરાયેલા બે બાઇક સાથે ઝડપાયો

સાબરકાંઠા જિલ્લામાં મિલકત સંબંધી ચોરીના બનાવો અટકાવવા અને ગુનેગારોને ઝડપી પાડવા માટે ઉચ્ચ અધિકારીઓની સૂચના અનુસાર હિંમતનગર એ ડિવીઝન પોલીસે ઉત્કૃષ્ટ કામગીરી કરી છે. નાયબ પોલીસ અધિક્ષક એ.કે. પટેલના માર્ગદર્શન હેઠળ એ ડિવીઝન પોલીસ સ્ટેશનના ઇન્સ્પેક્ટર કે.વાય. વ્યાસ તથા સર્વેલન્સ સ્કોડના પી.એસ.આઈ. કે.એલ. જાડેજા અને તેમની ટીમ પેટ્રોલીંગમાં હતી.તે દરમિયાન મળેલી ચોક્કસ બાતમીના આધારે પોલીસે હિંમતનગર સહકારી જીન રોડ પરથી એક શંકાસ્પદ ઇસમ શ્રવણ ઉર્ફે સરવણ કાળુભાઇ લક્ષ્મણભાઇ વાદી (રહે. ગોવાવાડા, તા. ખેરવાડા, જી. ઉદેપુર, રાજસ્થાન) ને ઝડપી પાડ્યો હતો.

પૂછપરછમાં ચોંકાવનારા ખુલાસા

ઇસમની કડક પુછપરછ કરતા તેણે હિમતનગર અને ગાંધીનગર વિસ્તારમાંથી મોટરસાઇકલ ચોરી કર્યાની કબૂલાત કરી હતી. પોલીસે તેની પાસેથી નીચે મુજબનો મુદ્દામાલ જપ્ત કર્યો છે:

• હિરો પેશન પ્રો મોટરસાઇકલ (નં. GJ-18-CJ-2032): જે હિંમતનગર ગોકુલનગર ફાટક પાસેથી ચોરી કરવામાં આવ્યું હતું, जिसकी કિંમત અંદાજે રૂ. ૨૫,૦૦૦ છે.

• સ્પેન્ડર મોટરસાઇકલ (નં. GJ-02-BF-5151): જે ગાંધીનગર વિસ્તારમાંથી ચોરી કરી વેચાણ અર્થે હિંમતનગર લાવવામાં આવ્યું હતું, જે અંગે ગાંધીનગર સેક્ટર-૭ પોલીસ સ્ટેશનમાં ગુનો દાખલ થયેલ છે અને તેની કિંમત રૂ. ૨૦,૦૦૦ છે.

આમ, પોલીસે કુલ રૂ. ૪૫,૦૦૦ ની કિંમતના બે મોટરસાઇકલ કબ્જે કરી આરોપી વિરુદ્ધ કાયદેસરની કાર્યવાહી હાથ ધરી છે અને બે વણઉકેલાયેલા ગુનાઓનો ભેદ ઉકેલવામાં મોટી સફળતા મેળવી છે. એ ડિવીઝન પોલીસની આ સરાહનીય કામગીરીથી અપરાધીઓમાં ફફડાટ ફેલાયો છે.