જીગ્નેશ સોની હિંમતનગર
હિંમતનગર તાલુકાના ગાંભોઈ પોલીસ સ્ટેશનની હદમાં આવેલ ઢુંઢર ગામે શુક્રવારે સામાન્ય બાબતે બોલાચાલી થતાં ચાર જણાએ સામે પક્ષે ઝઘડો કરી ગાળો બોલી ગડદાપાટુનો માર મારી જાનથી મારી નાંખવાની ધમકી આપી હોવાના આક્ષેપ સાથેની ફરીયાદ ગાંભોઈ પોલીસ સ્ટેશનમાં નોંધાવાઈ હતી.આ અંગે ઢુંઢર ગામે રહેતા કોમલબેન બાબુભાઈએ નોંધાવેલી ફરીયાદમાં જણાવ્યા મુજબ શુક્રવારે બપોરના સુમારે ગામમાં રહેતા જયદિપભાઈ રાકેશભાઈ ચમાર તથા ચેતનાબેન ચમારે કોમલબેન ચમારના ઘરે આવી તેણીને તથા તેમના પિતા સાથે અગમ્ય કારણોસર ઝઘડો કર્યો હતો. ત્યારબાદ આ ઉપરાણું લઈને તન્વીબેન રાકેશભાઈ ચમાર તથા રાકેશ ધનાભાઈ ચમારે આવી ગડદાપાટુનો માર મારી પાડી દીધા હતા. જેથી કોમલબેન ગાંભોઈ પોલીસ સ્ટેશનમાં નિવેદન લખાવતા હતા ત્યારે આ ચારેય જણાએ પોલીસ સ્ટેશનમાં આવી કોમલબેનને ગાળો બોલી જાનથી મારી નાંખવાની ધમકી આપી ધમાચકડી મચાવી દીધી હતી. જેથી કોમલબેને ચારેય વિરૂધ્ધ ગાંભોઈ પોલીસ સ્ટેશનમાં નોંધાવી હતી.
