વિરપુર બાયપાસ પર
હિંમતનગર બાયપાસ રોડ પર આવેલા વિરપુર નજીક રવિવારે એક દુઃખદ અકસ્માત સર્જાયો હતો, જેમાં બાઈક સ્લીપ થતાં યુવકનું સ્થળ પર જ મોત નિપજ્યું હતું.
મળતી માહિતી મુજબ હિંમતનગર તાલુકાના વાવડી ગામના રહેવાસી રાહુલ કાંતિભાઈ ચમાર પોતાની સાસરી અંકાલા ગામે કંકોત્રી વહેંચવા ગયા હતા અને ત્યાંથી કામ પૂર્ણ કરી બાઈક નં. GJ-09-CR-5145 લઈને ઘરે પરત ફરી રહ્યા હતા. દરમિયાન વિરપુર બાયપાસ નજીક પહોંચતા અચાનક બાઈક પરનો કાબુ ગુમાવતા તેઓ ધડાકાભેર રોડ પર પટકાયા હતા.
અકસ્મતમાં ગંભીર ઇજા થતા રાહુલનું સ્થળ પર જ મોત નિપજ્યું હતું. ઘટનાને લઈને મૃતકના પિતા કાંતિભાઈ પૂંજાભાઈ ચમારે હિંમતનગર ગ્રામ્ય પોલીસ સ્ટેશનમાં ફરિયાદ નોંધાવી છે. પોલીસે આગળની કાર્યવાહી હાથ ધરી છે.
