હિંમતનગર ‘એ’ ડિવિઝન પોલીસની સફળતા ચોરીનો મોબાઇલ સાથે આરોપી ઝડપાયો, ત્રણ વર્ષ જૂનો ગુનો ડિટેક્ટ

આ દરમિયાન સર્વેલન્સ સ્ક્વોડના પોલીસ કર્મચારીઓને બાતમી મળી હતી કે એક વ્યક્તિ હિંમતનગરના મોતીપુરા વિસ્તારમાં તુલસી કોમ્પ્લેક્સ સામે બિલ વગરનો મોબાઇલ ફોન સસ્તા ભાવે વેચવા માટે ફરી રહ્યો છે. બાતમીના આધારે પોલીસે તાત્કાલિક કાર્યવાહી કરી શંકાસ્પદ વ્યક્તિને ઝડપી પાડી પૂછપરછ હાથ ધરી હતી.

પકડાયેલ વ્યક્તિએ પોતાનું નામ નવિતકુમાર ઉર્ફે વિહો પૂંજાભાઈ ચેનવા (ઉ.વ. 38), રહે. રેવાસ, તા. ઈડર હોવાનું જણાવ્યું હતું. તેની અંગજડતી દરમિયાન એક શંકાસ્પદ મોબાઇલ ફોન મળી આવ્યો હતો. પોલીસે CEIR પોર્ટલ તથા IMEI નંબરની ચકાસણી કરતાં જાણવા મળ્યું કે આ મોબાઇલ ફોન હિંમતનગર ‘એ’ ડિવિઝન પોલીસ સ્ટેશનમાં વર્ષ 2023માં નોંધાયેલા ચોરીના ગુનામાં ચોરાયેલો હતો.

તપાસ દરમિયાન સામે આવ્યું કે આ મોબાઇલ ફોન ગુનો નં. 11209016230774/2023, કલમ 379 IPC હેઠળ નોંધાયેલા ચોરીના ગુનાનો મુદ્દામાલ હતો. પોલીસે ચોરીનો મોબાઇલ જપ્ત કરી આરોપીની ધરપકડ કરી વધુ કાયદેસરની કાર્યવાહી હાથ ધરી છે.

આ કામગીરીથી લગભગ ત્રણ વર્ષ જૂના અનડિટેક્ટ ગુનાનો ભેદ ઉકેલવામાં પોલીસને સફળતા મળી છે. હિંમતનગર ‘એ’ ડિવિઝન પોલીસની આ કામગીરીને જિલ્લા પોલીસ તંત્ર દ્વારા પ્રશંસનીય ગણાવવામાં આવી છે.

કામગીરીમાં જોડાયેલી ટીમ

• પી.એસ.આઈ. કે.એલ. જાડેજા
• એ.એસ.આઈ. મો. સલીમ ઇકબાલહુસેન
• પોલીસ કોન્સ્ટેબલ મિત્રાજસિંહ રણજીતસિંહ
• પોલીસ કોન્સ્ટેબલ જ્ઞાનદીપસિંહ વિજયસિંહ
• પોલીસ કોન્સ્ટેબલ ગજેન્દ્રસિંહ બળવંતસિંહ
• પોલીસ કોન્સ્ટેબલ કુલદીપસિંહ નરેન્દ્રસિંહ
• પોલીસ કોન્સ્ટેબલ વિપુલસિંહ વિલસિંહ
• પોલીસ કોન્સ્ટેબલ અનિરુદ્ધસિંહ સુરસિંહ

પોલીસ ટીમની સતર્કતા અને ટેક્નિકલ તપાસના આધારે ચોરીનો મુદ્દામાલ મળી આવતા જૂના ગુનાનો ભેદ ઉકેલવામાં સફળતા મળી છે.