શીતલ ઠાકર,ગાંધીનગર
હિંમતનગર ખાતે હાથમતી ઓવરબ્રિજ પરથી એક યુવતીએ અચાનક નદીમાં પડતું મૂકતા અફરાતફરીનો માહોલ સર્જાયો હતો. યુવતી હાથમતી નદીના પાણીમાં પડતા જ સ્થળ પર ટોળે ટોળા લોકો એકત્રિત થઈ ગયા હતા.
ઘટનાની જાણ થતાં તાત્કાલિક ૧૦૮ એમ્બ્યુલન્સને જાણ કરવામાં આવી હતી, જેના પગલે ૧૦૮ ટીમ સ્થળ પર પહોંચી હતી. આ દરમિયાન પુલ પરથી યુવતીને પડતી જોઈને એક સતર્ક યુવકે તરત જ પોતાની બાઈક લઈને નીચે ઉતરી જઈ બહાદુરીપૂર્વક યુવતીને પાણીમાંથી બહાર કાઢી જીવન બચાવવાનો પ્રયાસ કર્યો હતો.
આ બનાવ અંગે જાણ થતાં બી ડિવિઝન પોલીસ પણ તાત્કાલિક ઘટનાસ્થળે પહોંચી વધુ કાર્યવાહી હાથ ધરી હતી. ત્યારબાદ ૧૦૮ મારફતે યુવતીને તાત્કાલિક સારવાર અર્થે હિંમતનગર સિવિલ હોસ્પિટલમાં ખસેડવામાં આવી હતી
